Nagpahigayon og outreach activity ang 1st Zamboanga del Norte Provincial Mobile Force Company pinaagi sa pag-apod-apod og bugas ngadto sa mga residente sa komunidad aron matabangan ang mga pamilya nga nanginahanglan og suporta.
Ang kalihokan gipasiugdahan ubos sa liderato ni Ryan Jay R. Capurcos, Force Commander, diin nagtinabangay ang mga personnel sa paghatag og hinabang isip kabahin sa ilang serbisyo sa komunidad.
Sumala sa unit, ang maong inisyatiba nagpakita nga ang kapulisan dili lamang nagmintinar sa kalinaw ug kahapsay, kondili nagpalig-on usab sa relasyon ug pagsalig tali sa kapulisan ug sa komunidad.
Pinaagi sa maong kalihokan, gilauman nga mapalig-on ang espiritu sa panaghiusa ug pagtinabangay sa pagtabang sa mga residente sa lugar.(JENIFFER JR. DELICA)
Source: Zamboanga del Norte 1st Provincial Mobile Force Company