Nagpahigayon og coastal clean-up ang mga healthcare workers sa Gampis, Sicayab, Dipolog City niadtong Marso 8 isip kabahin sa pagsaulog sa World Kidney Day 2026 aron mapasiugda ang kahinungdanon sa pag-atiman sa panglawas ug sa kalimpyo sa palibot.
Gipangunahan ni Genevieve Doble ang kalihokan nga gitambongan sa 62 ka staff gikan sa Jose Rizal Memorial Hospital Dialysis Unit, Dipolog City Dialysis Center ug Double Cares Dialysis Center.
Gitumong sa maong inisyatiba nga mapalig-on ang kahibalo sa publiko sa koneksyon sa limpyo nga palibot ug maayong panglawas, ilabina sa pag-atiman sa kidney health. Sa kalihokan, nagtinabangay ang mga partisipante sa pagpanglimpyo sa baybayon pinaagi sa pagpanguha og basura ug debris sa daplin sa dagat.
Sumala sa mga organizer, ang coastal clean-up kabahin sa pagdasig sa komunidad nga magtinabangay sa pagmintinar sa kalimpyo sa palibot samtang ginapasiugda ang importansya sa panglawas alang sa tanang katawhan.(JENIFFER JR. DELICA)
Source: Ambibo