Pagadian City – Atol ning Unang adlaw sa 2022, usa ka babaye ang naabtan ug panganak sulod sa bangka samtang naglawod kini kagahapon, Enero 1.
Base sa Inisyal nga impormasyon, ,sakay sa bangka ang maong buros kauban iyang pamilya padulong sa usa ka lying in clinic sa syudad tungod kay nagbati na kini. Apan pag abot sa sa fishport ning dakbayan, nagpamati na kini sa kasakit ug nagtawag ug tabang nga daw manganak na..
Naatol nga nasayran kini ni Danny Cordova, ang Pagadian city school superintendent, maoy nagtawag ug tabang ug nakig koordinar sa otoridad. Dali gilayong miabot ang rescue ambulance sa lugar apan migawas na ang bata sa tago angkan sa inahan.
Didto na lamang nahinayak ug paanak ang rescue team ug human sa proseso, dali nila kining gidala sa balay tambalanan ug karon anaa na sa maayong kahimtang.
(Photo courtesy of Roch Amasora)