Zamboanga del Sur – Malampuson nga napahigayon ang duha ka adlaw nga pagbansay bansay sa mga athletes with disability niadtong November 6-7, 2021. Ang mga atletang may kapansanan gatoon sa pag dula sa basketball samtang gamaneho sa ilahang wheelchairs ug gatoon usab nga dili maka violate sa mga polisiya sa wheelchair basketball. Ang maong panagtapok inisyatiba sa Provincial Persons with Disability Affairs Office (PDAO) nga maoy natahasan sa kagamhanang probinsyal sa pag-amuma, pagpaminaw ug paghatag suporta sa mga persons with disability sa tibook probinsya.
Sulod sa duha ka adlaw, adunay meeting nga nahitabo diin gisabutan kun unsaun nga mas mapalig-on ang grupo ug kun paunsa nga makatabang kini nga hinay hinay mawagtang ang kaulawon and inferiority complex sa mga PWDs. Gihisgutan usab sa grupo kun unsaun nga maka dani pa sila ug ubay ubay nga mga myembro aron adunay mamahimong dugang support system ang mga PWDs ug mahilayo kini kanunay sa tentasyon sa iligal nga droga.
Sa wala pa sila mihimo sa actual nga pag bansay bansay, ang grupo sa mga PWDs, mga PDAO Staff ug Social Work Interns miduaw sa sementeryo aron pagdagkot ug kandila ug paghatag pinasaheng pag-ampo alang sa tanang persons with disability nga mitaliwan na. Ang maong grupo organisado na ug kini gitawag nga ZamboSur Athletes with Disability Association (ZADA) ug gipangulogan kini ni Junril Jumalon (President), Lino Cesar (Vice President) Hipolito Caballero (Supervisor) ug sa atong PDAO Head nga si Miriam Llanos (Organizer).
(Source: ZDS Press Bureau)
