Zamboanga del Sur – Arestado ang usa ka driver og duha ka truck man homan nga ma-intercept sa owtoridad ang ilang gisakyan nga truck sa may RIZAL AVENUE, Barangay MAKUGUUHON, MOLAVE Zamboanga del Sur atong nakalabay nga adlaw.
Atol sa gipahigayon nga intel-driven check point sa nahisgutan nga lugar, pina-agi sa hini-usang pwersa sa Molave MPS nga gipamunoan ni Police Staff Sergeant Eric Astillero ubos sa mando ni Police Lieutennat Colonel JULIUZAR V ASDANI, kauban ang PIU ZSPPO og ang 1st ZSPFMC personnel pina-agi usab sa koordinasyon sa Bureau of Customs, sikop ang tulo nga nailang sila Christopher Salazar Guivarra, 23 anyos, ulitawo, driver sa maong truck, usa ka Rodelyn Conception Marcelino, 21 anyos, minyo ug usa ka Jason Meresido Elopre, 34 anyos, minyo ug managsamang residente sa Barangay Bongiao, Zamboanga City.
Matud sa kapulisan nga sakay ang tulo ka suspect sa D-van Forward Cargo IZUSU Truck, kolor puti nga nagdala sa plaka numero GAF 7716, nga naka rehistro sa pangalan ni Renzo R Wu, nga ga-byahe gikan Zambanga City padulong sa Ozamis City. Pagdungo sa truck sa checkpoint gipangitaan gilayon ang driver sa iyang drivers license apan wala kini ikapakita bisan pa ang mga dukomento sa gipang transport niini. Hisayran nga wala mikooperar ang truckman rason aron susihon ang sulod sa maong truck og didto nakita ang kinahon nga mga pekeng sigarilyo.
Nakumpiska sa kapulisan ang mukabat sa 196 ka master cases sa smuggled cigarettes ug mubalor sa 1,960,000 ka pesos ang value niini. Samtang gikustodiya na sa kapulisan ang mga nakumpiska og gi-andam na ang kaso nga ipasaka sa korte batok sa mga dinakpan.
(Source: Pagadian City Police Station)
