Ekslusibo: Irong Buang O Aswang?
Dumalinao, Zamboanga del Sur – Usa ka makalilisang nga panghitabo ang migulat sa usa ka mag-uuma sa Brgy. Sumadat, Lungsod sa Dumalinao human masayri ang nahitabo sa iyang kahayupan ning nakalabayng adlaw, November 10, 2021.
Daw gikunis kunis ug dunay mga pinaakan sa nagkadaiyang parte sa kalawasan sa mga binuhing baka ug kanding hinungdan sa pagkamatay niini.
Pinaagi sa Facebook post ni Seth Velasco, anak sa mag uuma nga si Eddie Velsco, kinsa usa sa mga naga pastol sa mga binuhing kahayupan, ginatigway nila ang ilang kanding sa bakanteng lote sa Sumadat. Apan, dako na lamang nilang katingala, nakaplagan na lamang nila nga wah nay kinabuhi ang mga hayop ug dunay mga katingad.an nga samad niini.
Hurot ang pito ka kanding ug usa ka baka sa maong mag uuma ug dugang pa, dunay mga baboy usab sa kasilinganan ang nabiktima sa maong kremin.
Matud pa, Posibleng usa ka dako nga irong laaw o irong buang ang responsable sa maong hitabo, apan dili usab mawala ang mga hugon hugon sa brgy nga posibleng aswang ang naghimo sa ingon..
Sa pikas nga bahin, duna usab mga sulti nga posibleng tawo ra usab ang naa sa likod niining makalilisang nga krimen sa kahayupan.
Unsa gayud kaha nga klase sa nilalang ang nagpaluyo niining hitabua? Unsa kaha ang motibo sa paghimo niini? Atangi..
(Photos courtesy by Seth Velasco)