Zamboanga del Sur – Nag-una ang lungsod sa Labangan ug dakbayan sa Pagadian nga adunay pinakadaghang ihap sa mga fully vaccinated sa tibuok Zamboanga del Sur sumala sa datos sa Department of Health Region 9.
Segun sa regional vaccination status as of March 3, 2022, Ang Labangan mitala og 64.69 % kun 22,491 gikan sa target population nga 43,458 samtang ang Pagadian City mirekord og 64.59% kun 106,962 gikan sa target population nga 165,602.
Gisundan kini sa Molave nga miangkon og 64.25% kun 27,797; Ramon Magsaysay 63.58% kun 14,073, Mahayag 62.12% kun 24,041 ug ang San Miguel 62.09% kun 9,921.
Sa tibuok Rehiyon 9, ang Zamboanga del Sur mao ang pinakaubos sa 3 ka probinsya ug usa ka siyudad sa ihap sa mga nakakumpleto sa ilang COVID-19 vaccine doses.
Nag-una ang Zamboanga City nga adunay 83.34%, Zamboanga Sibugay nga miangkon og 53.98%, gisundan sa Zamboanga del Norte nga adunay 53.48% samtang ang Zamboanga del Sur nikab-ot og 51.65% gikan sa gitarget nga population.
Gilauman nga mausbawan ang ihap sa mga nabakunahan dinhi sa probinsya pinaagi sa ipahigayon nga simultaneous national vaccination days karong Marso 10 hangtod 12 ning tuiga.
(Source: ZDS Press Bureau)
