Pagadian City – Mokabat sa sobra 15 thousand board feet nga “dipterocarp” o kahoy nga naa sa lasang ang nasabat sa CENRO (DENR).
Naglangkob ang klase sa maong kahoy sama sa Lawaan, Tanguile ug ubang pang endangered trees nga nahuman na og gabas.
Ang lugar kung asa illigal nga giputol ang kahoy gi identified sa DENR isip protected forest ug watershed area.
Kahinumduman nga niadtong nakalabayng semana gibaha ang lugar sa ubos nga suba duol sa logging site, nga gi banlas ang 7 ka mga balay, sulod sa taas nga panahon kato pa naka sinati ug dako nga baha nga nagdala ug dakong damyos.
Matod pa sa mga residente ug barangay officials sa Lison Valley gipanag-iyahan ang maong kahoy sa usa ka private contractor ug politiko.
Walay bisan isa nga nagpaila nga tag-iya atol sa pagdakop.
Dali nga mi assist ang LGU-Zambosur pinaagi ni Governor Victor Yu ug mga sakyanan ug ekwepo para mapadali ug hakot ang mga kahoy.
Gi turnover sa DENR-CENRO Ramon Magsaysay ang mga dinakpanng kahoy.
Padayon pang galusad og Investigation ang DENR aron pag-ila sa tag-iya ug ma file ang patong-patong nga kasong paglapas sa RA 7161.
(Source: ZDS Press Bureau, photo courtesy of Victory Zamboanga del Sur)
