Pagadian City – Gidagsa sa bagang duot sa katawhan ang grand opening sa Christmas lights sa Plaza Luz ning dakbayan kagabie, Desyembre 15 2021.
Ang gikahinaman sa katawhan ang masaksihan ang abunda ug maanindot nga fireworks display ug ang simultaneous lighting sa pinakadako nga Christmas tree tunga sa Plaza., Lakip na ang mga bisita nga midayo pa gikan sa kauluhan aron hatagag lingaw ug insperasyon ang katawhan.
Hapon pa lang, naghina hinay nag pang abot ang mga tawo sa sentrong bahin ning syudad. Estrektong gipatuman sa lokal nga pangagamhanan ang No vaccine,No entry sa venue ingon man ang pagsuot ug mga hoodie jackets ug kalo. Gipahugtan ang siguridad aron masiguro nga luwas ang mga mutambong.
Gipahayan sa PASKUHAN 2021 Guest Speaker nga si Chief Presidential Legal Counsel and Senatorial Aspirant Sec. Atty. Salvador “Sal” Panelo. Diin Nagpasalamat si Sec. Salvador Panelo sa imbitasyon ni City Mayor Sammy Co ug sa 13th City Council isip Guest Speaker sa opening program. Gipaabot ni Sec. Panelo ang pagpasalamat ni President Rody Duterte sa mga Pagadianons sa wala’y puas nga pagsalig ug supporta sa iyahang administrasyon.
Isip pasalamat sa mainiton nga pagdawat sa mga Pagadianons sa iyaha, gikantahan ug gisayawan niya ang Pagadianons. Dako kaayo ang bilib ni Sec. Panelo kay Mayor Co sa nakita niyang dakong kausaban sa syudad.
Bitbit ni Sec. Panelo ang dili malimtan nga talagsaong higayon nga makauban ang Pagadianons sa usa sa pinaka importante selebrasyon sa syudad, ang PASKUHAN 2021.
Gawas pa kay Sec Panelo, anaa usab ang pipila ka local singer ug celebrity sama nila Marcelito Pomoy, Juan Carlos, Albie Casino ug uban pa.
Sa kinatibuk an, nahimong malipayon, mapasigarbuhon ug Malinawon ang opisyal nga pagbukas sa diwa sa Pasko sa Pagadian.
(Photos courtesy of Asenso Pagadian)