Region 9 – Nakatakda na nga pagasugdan ang face-face classes Pebrero 28,2022 Kini sumala pa ni Department of Education Secretary Briones atol sa usa ka Virtual Conference nga gipahigayon sa Regional Center Office, Balintawak Pagadian City Pebrero 21,2022.
Sumala pa nga andam na ang DepEd aron sa pagbalik sa kabataan ug sulod sa tulunghaan kini base na usab sa mga pagtuon nga ilang gihimo,ug ilalom sa pagtugot sa Presidente ingon man sa IATF.
Ang maong face-to-face classes ang gikatugot lamang sa mga Lugar nga ilalom na sa alert level 1 ug alert level 2, apan dili pa gihapon tugutan ang mga Lugar nga anaa pa sa alert level 3.
Aduna lamay mga 20 ka mga pili na nga eskwelahan ang gikatugutan na nga mag face face dri sa Region -9.
Sigon sa balaod nga gihatag sa national ug advice sa IATF, kadto lamang mga kabataan nga nabakunahan na ng mamahimong tugutan nga mosulod sa tulunghaan ug dili tugutan nga moapil sa face to face classes ang wala pa nabakunahi,gawas na lamang kung aduna silay ika representar nga RT-PCR negative test results.
Susamang bahin,ang mga magtutudlo kon teachers lamang nga bakunada na ang pwede nga motodlo sa kabataan sulod sa eskwelahan.
Mahitabo nga mixed learning ang pamaagi sa pagkat -on sa kabataan gumikan ky magpabilin gihapon ang online classes ug modular tungod kay dili man tibuok simana nga anaa ang mga estudyante sa sulod sa eskwelahan. Hatagan lamang matod pa sila ug mobo nga panahon aron lang mahimamat ug makauban ang ilang magtutudlo,ug makapangayo ug giya lambigit sa mga wala nila nasabtan nga leksyon. Apan dili mamahimo nga kanunay sila sa eskwelahan tungod ky nagkinahanglan sa gihapon ang mga kabataan nga magkat-on pinaagi sa online ug modular aron mamahimong mas maalamon ug competitive pa.
Dili usab pugson sa DepEd ang mga ginikanan nga pabakunahan ang ilang mga anak kon supak gayud sa ilang kabubut-on,tungod kay irespeto sa gihapon nila ang mga disisyon sa ginikanan kalabot sa kahimsog sa ilang mga anak.
Tungod niini,ila matod pa gihapon nga hatagan ug padayon nga alternative learning ang kabataan aron nga magkat-on ug aron dili ma behind sa klase pinaagi sa modular ug online classes
Nag awhag ang DepEd nga pabakunahan na mga kabataan ilabi na kadtong gusto na kaayo nga makasinati pag usab sa face-to- face classes.
Dili usab matod pa angay nga mabalaka,tungod kay sa mga Lugar lamang nga ubos na kaayo ang kaso sa covid mahitabo ang face to face classes, ug kon ugaling man nga adunay mahitabo nga pag taas pag balik sa alert level 3 ang usa ka Lugar,otomatik usab nga isuspende ang klase sa maong mga lugar.
(Photo courtesy of DEPED Regional Office IX)
