Thursday, June 20, 2024

Cebu: Syudad sa Sugbo mitangtang na sa mga dagkong Covid-19 restrictions

- Advertisement -

Cebu City – Gibuksan na ang Sugbo alang sa tanan ug duna na lay ginagmay nga Covid-19 restrictions nga gipatuman ang syudad.

Visit RPN DYKC Cebu

Gibutyag ni Mayor Michael Rama atol sa kasaulogan sa ika 85 ka tuig nga Charter Day sa Cebu City, Pebrero 24, 2022, ang iyang bag-ong Executive Order (EO) nga Oplan Kagawasan, nga mag abli na ug balik sa Dakbayan sa Sugbo ngadto sa gitawag nga “almost to a pre-pandemic state.

Sa EO 163, gibarugan sa mayor nga ang vaccination program sa syudad naka himo niini nga maoy labing daghan nga nabakunahan atol sa national vaccination days, pinaagi sa naabot niini nga 70 porsento sa “vulnerable class target population”.

Sa iyang speech sa 85th Charter Day Celebrations, gipadayag ni Rama nga ang Oplan Kagawasan nag representa sa “future” sa Syudad sa Sugbo, ug pag abante na gikan sa Covid-19 pandemic.“Kagawasan. Ang tanan, abli na. Kagawasan uban sa nagkahiusang kaakohan. Freedom with shared responsibility. Clearly all establishments and activities are open and allowed. Strict enforcement of minimum public health standards, no restrictions as to age or vaccination status. No curfew except minors,” mensahi ni Rama.

Ang Oplan Kagawasan nagpatuman sa mga mosunod:

  • Tanang establisemento ug kalihukan gibuksan ug gitugtan;
  • Estriktong pagpatuman sa minimum public health standard;
  • Wala nay restriction sa edad ug vaccination status;
  • Giwangtang ang curfew gawas sa mga minors (dunay ordinansa nga kinahanglang ipatuman);
  • Ipadayon ang vaccination alang sa self preservation ug protection.

Sa press conference dayong human sa maong kasaulogan, gipahibaw ni Rama nga ang mga inbound unvaccinated domestic traveler nga mosud sa syudad agi sa mga pantalan, gitugtan na nga wala na magkinahanglan ug negative Covid-19 test results.

Samtang gipahibaw ni Atty. Collin Rosell, emissary sa mayor nga ang capacities sa mga establisemento dili na basihan ang gidaghanon kundi ang pagsunod sa social distancing.

“Ang kanang physical distancing, klaro kaayo sa tanan nga imong capacity mogamay. Ig distancing nimo, basin maabot na og 50 percent, di moubos. Gisimplify lang nato,” pasabot ni Rosell.

(Source: Cebu City Mayor’s Office, photos courtesy by Denjohn Bolivar)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -