OSG kokontrahin ang inisyung bilyong-multa sa gobyerno ng Manila Water

Tiniyak ng Office of Solicitor General (OSG) na gagamitin nila ang lahat ng legal na pamamaraan para kontrahin ang inisyu ng Singapore arbitration court na pagbabayad ng gobyerno sa Manila Water ng mahigit P7-billion.

Ayon kay Solicitor General Jose Calida, hindi nila papayagang baliktarin ng Manila Water ang sitwasyon at kanilang ipapakita na walang nangyaring procedural lapse sa panig ng gobyerno at ang Manila Water.

Aniya, kanila ring hihikayatin ang milyun-milyong customer ng Manila Water na matinding naapektuhan ng water shortages para tumestigo laban sa naturang water concessionaire.