NBI patuloy ang imbestigasyon sa pagsabog sa ilang lugar sa Mindanao — DOJ

Pinalawig ng Department of Justice (DOJ) ang deadline ng National Bureau of Investigation (NBI) para maisumite ang report hinggil sa pagsabog sa ilang lugar sa Mindanao noong nakaraang buwan.

Ayon kay Justice Secretary Menardo Guevarra, sa ngayon ay nagsasagawa pa ng imbestigasyon ang NBI field operatives.

Aniya, mayroong hanggang katapusan ng Enero ang NBI para maisumite ang kanilang final report.

Magugunitang sugatan ang 22 katao matapos ang naganap na pagsabog sa Cotabato City at dalawa pang lugar sa Cotabato at Maguindanao noong Disyembre 22.