Inilabas na ng Inter-Agency Task Force (IATF) ang mga panuntunan sa mga lugar na isasailalim sa modified general community quarantine (MGCQ) simula sa June 1.
Ayon sa IATF, sa ilalim ng MGCQ ay papayagan na ang mga mass gatherings gaya ng sport events, concerts, movie screening at iba pang entertainment activities at religious gatherings.
Gayunman, lilimitahan lamang sa 50% ang seating capacity at ng venue.
Papayagan naring magbukas ang mga salon, barbershop at iba pang personal care service establishments.
Maaari narin mag dine-in sa mga food retail establishments gaya ng supermarkets, groceries, at food preparation establishments basta’t susundin ang paglimita sa limampung porsyentong kapasidad ng tao.
Pwede na ring bumyahe ang mga private transportation basta’t tatalima sa protocol na ilalabas ng Department of Transportation (DOTr).
Sa ngayon, pinag-aaralan pa ng IATF ang mga lugar na isasailalim sa MGCQ.
