Nakabasan sa kinabuhi ang usa ka pulis human ni dasmag sa trailer truck ang gimaniho niya nga motorsiklo.
Ang aksidenti nahitabo pasado alas 11:30 kagabii, Mayo 7, 2024, didto sa National Highway of Sitio Gahad Brgy. Poblacion, Sibonga.probinsya sa Sugbo.
Ang biktima nga nakalas giila sa Sibonga Police Station nga mao si Pat. John Anthony Esmail Quintao, 28 anyos ang panuigon, ulitawo, sakop sa RMFB7 Camp Ceperino Genovia, didto sa Brgy. Bahay, Sibonga, Cebu, lumad nga taga Siaton, Negros Oriental.
Giila usab ang suspetsado nga driver na mao si Tereso Sumbaquil Dela Rosa, 44 anyos ang panuigon, menyo, residenti sa Brgy. Lamacan, lungsod sa Sibonga, Sugbo.
Sa imbestigasyon nga gihimo sa Sibonga Police Station, pinaagi sa ilang hepe nga si PCPT. Fort Antony Valdez, nasayran nga naka parking ang maong trailer truck sa maong lugar nga naka hazard ug signal light apan wala kini Early Warning Device (EWD).
Gituhu-ang wala kabantay ang maong pulis sa maong truck na maoy hinungdan nga wla na kini kaabot nga buhi sa ilang kampo ug nabugtu-an sa iyang kinabuhi didto sa tambalanan.
Sa pagakakaron padayong gitanggong ang suspetsado nga driver samtang giandam na usab ang kasong Reckless Imprudence Resulting in Homicide and Damage to Property involving PNP personnel. (Renante Socia Lada)
(Source: Sibonga PS)