- Advertisement -
Nagpalabas ang Food and Drug Administration (FDA) ng cease and desist order laban sa Fabunan antiviral injections.
Ito ay matapos na kumalat sa social media ang umano’y paggamit ng Fabunan vaccine drive sa mga pasyente ng coronavirus disease 2019 (COVID-19) sa Zambales.
Ayon kay Department of Health (DOH) Undersecretary Maria Rosario Vergeire, hindi pa rehistrado ang naturang bakuna laban sa COVID-19.
Iginiit nito na hindi maaaring gamitin sa isang tao ang anomang gamot na hindi pumasa sa clinical trials at hindi rehistrado sa FDA.
Samantala, pinag-aaralan na rin ng DOH ang kaso laban sa Fabunan vaccine.
- Advertisement -