Cagayan de Oro – Gi tahasan ni Presidente Bongbong Marcos Jr. si 1st District Cong. Atty. Lordan Suan nga maoy mamuno sa ipahigayong “Bagong Pilipinas: Serbisyo Fair” kon BPSF dinhi sa dakbayan sa Cagayan de Oro sunod semana.
Butyag pa ni 1st District Assistant Director Bert Amplayo, gilaumang mo kabat sa kapin 50 mil ka mga Kagay-anon ang maka benepisyo sa nagkadaiyang serbisyo gikan sa lain-laing ahensya sa kagamhanan sama nalang sa DSWD, DOLE, CHED, DFA ug uban pa sa nasangpit nga fair, kini ubos sa pag paningkamot ni Cong. Lordan Suan nga gi saligan sa presidente.
Matud pa ni Amplayo nga dakong garbo sa dakbayan nga napili ni President BBM si Cong. Suan nga maoy mamuno sa iyang programa dinhi sa syudad aron masinate sa katawhan ang “Bagong Pilipinas: Serbisyo Fair” o BPSF diin daghan na usab ka mga Kagay-anon ang mapadangatan sa serbisyo ug assistance nga dakong maka benepisyo ngadto sa tagsa-tagsa nila ka mga pamilya.
News and photo courtesy of CIO CDO