Mga nasawi sa pagbaha, pagguho ng lupa sa Japan umakyat na sa 52

Umakyat na sa 52 ang bilang ng mga nasawi sa pagbaha at pagguho ng lupa sa timog-kanluran ng Japan.

Nangako naman si Japan Prime Minister Shinzo Abe na magdedeploy pa sila ng mas maraming tropa upang mahanap ang iba pang mga residente ng Kyushu na kasalukuyan pa ring nawawala.

Kasabay nito, muli namang nagpalabas ng second-highest emergency warning ang Meteorological Agency ng Japan dahil sa pagtaas pa ng panganib bunsod ng malakas na pag-ulan at pagguho ng lupa sa buong Japan.

Samantala, ibinabala naman ng mga otoridad na tatagal ang malakas na ulan sa susunod na dalawang araw.