CAGAYAN DE ORO CITY- Dili lamang mga baboy nga malikay gikan sa swine fever nga sakit ang hugot nga gibantayan karon sa Provincial Veterinary Office sa Misamis Oriental apan apil usab ang pagbantay nga dili makasulod sa probinsya ang hulga sa bird flu ngadto sa mga binuhing manok, itik ug uban pa.
Kini tapos migula ang report nga adunay bird flu outbreak sa nasud sa China nga mipatay sa moabot upat ka libo ka mga manok. Bisan sa India ug Europe, gibutyag nga nataptan usab sa susamang sakit ang ilang mga binuhing manok. Hinuon, gipasabot ni Provincial Veterinarian Dr. Benjamin Resma nga wala pa nuoy natala nga kaso niini sa probinsya. Gani nagpadayon ang pagsusi niini sa mga poultry dili lang sa Misamis Oriental kon dili apil pud and Cagayan de Oro.
Gisugilon ni Dr. Resma nga kon aduna silay mabaw-an nga mga manok nga nagsakit, ila kining susihon diretso aron pugngan nga dili kini makatakod sa uban. Gipabantayan na usab ang mga entry ug exit prints sa Misamis Oriental alang niini nga katuyuan.
Nasayran nga ang rehiyon 10 maoy ikatulo sa tibuok Pilipinas nga nagproduce sa manok nga moabot sa 19.5 milyon matag tuig.
