General Santos City – Ang Department of Education-General Santos City mipahinumdom ngadto sa mga tunghaan ug mga ginikanan nga ang End-of-School-Year (EOSY) nga kalihokan gikatakdang ipahigayon gikan Mayo 29 hangtod 31, 2024.
Kini subay gayud sa gi-anunsiyo sa DepEd-Gensan pinaagi sa ilang official Facebook account kagahapong adlawa.
“Ang End-of-School-Year (EOSY) Rites para sa SY 2023-2024 ay isasagawa mula Mayo 29 hanggang 31, 2024, sa ilalim ng temang “Kabataang Pilipino Para sa Matatag na Kinabukasan ng Bagong Pilipinas,” ang naka-post sa Facebook sa maong atikaran.
Matud sa DepEd-GenSan nga ilalum sa Memorandum 23-2024, ang pagtapos sa mga kalihokan sa eskwelahan gimando nga ipahigayon sa mga indoor venues o well-ventilated areas.
Samtang ang nasud padayon nga nag-atubang sa peligrosong lebel sa kainit taliwala sa El Niño. (Rem Agdon)