Gi-aresto sa mga tinugyanan sa kapulisan ang isa ka mag-uuma kini human misukol sa gipahigayong checkpoint niadtong milabay’ng adlaw sa alas 6:25 ang takna sa gabie sa National Highway of V. del Socorro Street, Brgy. Navarro, Socorro, Surigao del Norte.
Naila ang suspect nga si Van Richard Cubillan Buyser, 27 anyos, ulitawo, mag-uuma, residente sa Sitio Atoyay, Brgy. Sering, Socorro, Surigao del Norte.
Sa imbestgasyon nasayran nga samtang nagpahigayon ug checkpoint ang kapulisan, ang suspect sakay sa ija gemanihong motorsiklo nga Rusi 125 ang nakiglalis sa mga pulis human wayay mapresentar nga driver’s license, CR ug OR, ug nagpamatuud nga “wayay kalapasan sa balaod sanglit sija isa ka miyembro sa Maharlika Nation ug sumala pa nga ang tanang mga miyembro ang waya’y labot sa bisan unsang mga paglapas sa bisan unsang mga balaod sa Pilipinas.”
Bisan pa sa mga paningkamot sa mga kapulisan sa pagpahibayo sa ija mga kalapasan ug pag impound sa ija motor, ang suspetsado ang misukol ug gitugyod ang isa sa mga police officer nga merisulta sa pag aresto sa suspek.
Human sa insidente ang suspect ug ang motorsiklo ang gidaya sa Socorro Municipal Police Station alang na sa hustong disposition ug giandam na ang ipasaka nga kaso batok na sa suspect alang na sa pag-file sa Provincial Prosecutor Office. Mag atbang sa kasong paglapas sa Art. 148 (Direct Assault) ug paglapas sa Art. 151(Resistance and Disobedience to a Person in Authority ang maong suspetsado. (Mark James Lisondra, Ronda 21 RPN DXKS)
Picture sa usa sa mga nindot nga lugar sa Atoyay, Sering, Socorro