Temporaryong giserhan ang Regional Trial Court o RTC Branch 86 sa brgy. Tipolo, dakbayan sa Mandaue tungod sa pagpositibo sa coronavirus disease sa usa ka kawani.
Base sa memorandum pinetsahan og Enero31, nag-ingon ang buhatan sa Executive Judge nga ang RTC branch 86 tak-opan sugod gahapon hangtod sa Peb. 5.
Uwahing mitambong sa trabaho ang apektadong empleyado niadtong Enero 22.
Si Atty. Lizer Malate, pangu sa EOC o Emergency Operations Center, miingon nga ang close contacts sa maong kawani,gitakdanang ipaubos sa swab test ug ang opisina i-decontaminate pod.
Samtang ang City Prosecutors Office (CPO) giserad-an usab og duha ka adlaw kutob karong adlawa.
Ang city prosecutor nga si Mary Francis Daquipil miingon nga tungod kini sa pagpositibo sa virus sa anak sa usa nila ka empleyado.
Ang naasoyng kawani uwahing mitrabaho niadtong Enero 29 ug karon nagpaabot pa sila sa resulta sa swab test niini.
Matod ni Daquipil, ang 27 ka sakop sa CPO ubos na sa home isolation.
Pero gitataw ni Daquipil nga dili maapektahan ang ilang operation sa maong kaugmaran. l via Jhon Tadlip/JTY
Source: Emergency Operations Center-Mandaue City
Photo: Hall of Justice-Mandaue City
