Iriga City – Pormal ng pinaglansar kan Iriga City PNP an “oplan katok” sarong programa kontra sa mga loose firearms particular duman sa mga armas na paso na an O mayo nin mga dokumento.
An programa kasunod naman kan pagmaigot kan liderato kan PNP na matipon an gabos na mga armas na mayong dokumento na posibling punan pa nin krimen, arog kan nangyari sa tarusanan massacre na hasta sa ngunian dai pa nasususog an suspectsado sa pag-gadan sa limang persona kaiba na an tulong menor de edad.
Katakod kaini, nangapudan si PLt. Bella Vergara Cereno, deputy chief of police kan Iriga PNP na duman sa mga nagsasaray nin loss fire arms mas maray na darahon na sana sa istasyon for safe keeping mientras na pinaglalakaw pa an mga papelis kaini.
Duman sa mga dai boluntad na masurrender kan saindang mga badil, posibli sindang katokon kan mga autoridad nganing matipon an mga loss fire arms.
Inako pa kan PNP na parte pa an kampanya sa padagos na preparasyon tanganing magin malinig asin trankilo an eleksyon sa 2022 digde sa cuidad nin Iriga.