Maski dai direktang matama sa Camsur an bagyong si Odette, nangapudan ngunian si Gov. Migz Villafuerte na mantineron an pagigin alerto kan mga Barangay Municipal asin City Disaster Risk Reduction and Management Council, nganing maandaman kun ano man na epekto kan bagyo na pinaglalaoman matama atyan na hapon O Bangui duman sa northern Mindanao O eastern Visayas.
Mahiwas na langilang kan bagyo asin may darang makusog na mga oran kaya an sabi kan Gobernador kaipuhan na Andaman an posibling flash flood asin landslide duman sa mga low laying areas kaiba na an parte kan rinconada asin mga kasalugan kan Bicol river.
Inabisuhan man kan gobernador an mga coastales na lugar sa camsur sa posibling daluyong “apwak” kan alon huli sa pinaluwas na gale warning kan PAGASA.
Sa kasumpay na bareta, nasa red alert status na ngunian an OCD Bicol asin pina-aktibar na an gabos na operations center kaini sa enterong rehiyon.
Iyo ini an nagin pahayag ni Dir. Claudio Yucot maski nasa minimum risk sana an rehiyon kan Bicol sa pinaluwas na assestment kan NDRRMC kaipuhan na magin andam an gabos huli sa dadarahon kaining epekto dara kan mga pag-oran asin katamtaman na duros.
