Iriga City – Dai nagin ulang an maluya sagkod makusog na uran asin tapuyas kan malipot na duros sa inot na selebrasyon kan Simbang gabi kasu-bagong amay na pagka-aga matapos na ini dagsaon kan dakol na parokyano sa man lain-lain na Parokya digde sa rinconada area.
Amay pa sana dara an payong kan mga daraga asin jacket kan mga soltero, sagkod kaputi dagos ng nagdagsa sa man lain-lain na Parokya an mga may panata O panuga sap ag-poon kan Simbang gabi.
Alagad manonotaran na dai naibitaran an dakol na mga kaakian na kadaklan kaini, mga bako pang bakunado. Minsan dai naman naoobserbaran an social distancing, huli sa pag-pirit kan iba na makalaog pa sa simbahan huli sa oran na dara kan raot nin panahon.
Sa balyong lado, maski sige an bagsak kano ran dai man naulang an seguridad na pinaglatag kan PNP asin iba pang force multiplier sa cuidad nin Iriga sa pagpoon kan Simbang gabi kasu-bago.
Igua nin mga plain cloths na mga police an pinagdestino sa man lain-lain na Parokya tanganing maulang an mga maraot na elemento na pueding maghatod nin kariribukan. Kaiba kaini an mga brgy. Tanod asin CSU asin I patrol sa cuidad kan Iriga.