26 C
Manila
Thursday, February 22, 2024

Iriga: Casureco 3, Lininaw an mga tirada sa sainda

- Advertisement -

Iriga City ย – Dai nin โ€œAtrasan hasta Ganahon an Labanโ€ iyo ini an nagin pahayag ni Board Pres. Ana Sylvia Alsisto kan Casureco 3 kasunod kan mga paglilinaw na ginibo kan management asin board katakod kan padagos na laban kontra sa Bicol Light and Power Corp.

Visit RPN DZKI Iriga

Sigun ki Alsisto sainda ng pinatunayan na kayang makabangon kan Casureco 3 hali sa ailing coop pasiring sa double A, alagad kun ano anong mga isyus an dinadaklag sa sainda kan Bicol Light makua sana an hinahagad na frankisa duman sa senado.

Sa okasyon kaiba an mga miembros kan local na media, sinabi ni AGM Engr. Wilfredo Bucsit na poon kan 2017 kan magklaog an task Force Duterte Rinconada Power, saindang naibangon an lakmang kooperatiba. Sigun sa saiya, sobra na sa 200 milyon pesos an pagkaka-utang hali sa lab isa 1.2 bilyones pesos.

Apuera kaini, na-improve ninda an serbisyo na dai na nagkakaigua nin disconnection notice huli ta on time na an saindang pagbayad sa mga power supplier.

Sa okasyon, nagluwas pa an plano kan Bicol Light and Power na bako sanang kompetisyon kundi plano pa kaining i-take over O kaya privatization sa kooperatiba.

Sa pahayag ni Bucsit, limang milyon sana an capitalization kan Bicol Light na kulang na maray tanganing makapatindog nin poste O transmission line pasiring sa mga konsumidor.

An Casureco 3 nasisibot ngunian sa pagpapaliwang huli sa nangyari sa kamara baja kun sain tulos na nakapasar an frankisa kan Bicol Light and Power asin ngunian yaon na sa lames ani Sen. Grace Poe duman sa senado.

Nagtutubod an manijamento asin board na kaipuhan na nindang maghiro huli ta walong taon na sana an natatada sa frankisa kan Casureco 3 tanganing mag-operar hasta sa 2029 kaya naghihidali man an bicol light na maaprobaran an saindang frankisa.

Mientras tanto, inako ni Cong. Presly de Jesus kan PHILRECA na mayo sinda nin naginibo asin itinago sa sainda duman sa kamara an approval sa frankisa kan bicol light.

Katakod kaini, lininaw ni De Jesus na yaon siya sa pagsuporta sa Casureco 3 orog na sa mga konsumidor na posibling mag-abot sa 18 pesos an kada kilo watt hour kun makalaog an Bicol light and power.

Ininganyar kaini an kooperatiba na ipaliwanag nin maray an nasabing sitwasyon nganing magkaigua nin boses an mga konsumidor huli ta sinda an tunay na maysadiri kan kooperatiba.

Nangapudan pa si De Jesus na i-defer na nguna an imposisyon kan 20 pesos na buffer fund na masikad sa bulan na Enero.

Sigun sa saiya, kontra in isa ley na maghagad nin kontribusyon mientras na igua man nin ponding itinatao an gobierno sa paagui kan NEA asin iba pang ahensya.

Si De Jesus nakatalaan man na magbisita ngunian na aga sa Casureco 3 asin sa iba pang electric coop. sa probinsya nin Camarines Sur.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -