Gisaulog sa Syudad sa Sugbo ang ika-84 ka tuig nga kasumaran sa Charter Day karong adlawa, Pebrero 24, 2021 pinaagi sa paghatag ug pasidungog sa City Government ngadto sa mga institusyon ug indibidwal nga dako ang natabang sa syudad labi na nga nagpadayon ang pakigbatok sa tanan sa Covid-19.
Alas 8 sa buntag gipahigayon ang wreath laying ceremony sa Charter Day Celebration nga dunay tema: “INTERWOVEN WITH FAITH; STRENGTHENED BY UNITY; CELEBRATING THE CEBUANO RESILIENCY.”
Ang programa gipanguluhan ni Cebu City Mayor Edgar Labella, pinaagi sa iyang representante nga si Atty. Rey Gealon, uban sa mga opisyal sa syudad lakip nila ni Vice Mayor Michael Rama, City Councilor Edu Rama, Dondon Hontiveros, Joel Garganera ug ubang mga opisyal.
Gipahigayon kini sa monumento ni Don Vicente Rama- the Father of Cebu City Charter, sa Plaza Sugbo sa Cebu City Hall.
Atol sa maong kasaulogan, gipadangat ni Mayor Edgar Labella ang mga kalamboan sa Syudad sa Sugbo.
Gitakdang masaksihan sa pagka gabii ang performances sa Proud Bisdak Performers nga labing gipasigarbo sa Sugbo.
Virtual ang pagpahigayon sa kasaulogan sa kagamhanan sa Syudad tungod sa padayon nga nasinate nga pandemya. (Jhon Tadlip/JTY)
(News & photo courtesy of Cebu City Public Information Office)
