Gitakdang sugdan na sa project proponents sa bag-ong international container port ang civil works sa maong multi-million project karong buwan sa Agosto sa 2021.
Kini ang gibutyag pinaagi sa online sa gipahigayon nga 160th Maritime Forum of the Maritime League, Martes, Pebrero 23, 2021, pinaagi sa Cebu Port Authority (CPA) nga maoy host.
Lakip sa butang nga gituki sa online forum ang update sa proyekto nga mokantidad ug 11 bilyones pesos New Cebu International Container Port (NCICP) nga ibutang sa lungsod sa Consolacion lalawigan sa Sugbo.
Gitakdang ipahigayon ang groundbreaking sa NCICP karong Agosto 16, 2021.
Kini ang gipahibaw ni Engr. Rommel Pagaron, acting manager sa CPA Planning and Monitoring Division sa iyang presentation.
Matod ni Pagaron nga gipaabot nga mahuman ang maong proyekto sud sa 35 ka buwan o dul-an sa tulo ka tuig.
Niadtong tuig 2016, mihatag na ang National Development Authority (NEDA) ug clearance ngadto sa CPA uban sa Department of Transportation (DOTr) isip lead implementing agency alang sa proyekto sud sa 25 hektarya nga reclamation sa Barangay Tayud, Lungsod sa Consolacion.
Sa tuig 2018 pa ang orihinal nga schedule unta sa maong proyekto o pila ka buwan human ang kagamhanan sa Pilipinas ug ang Export Import Bank of South Korea milagda ug $172.64 million nga loan agreement o 8.8 bilyones pesos.
Apan gumikan sa daghang mga rason, lakip na ang pagkuha sa mga gikinahanglan nga permits, nakahukom ang proponents pag uswag sa unang gikatakdang schedule.
(Jhon Tadlip/JTY)
(News & photo courtesy of Cebu Ports Authority)