Grupong ACT-Teachers magpo-protesta kontra “profiling” ng PNP

Susugod sa tapat ng PNP-Headquarters sa Camp Crame, Quezon City mamayang hapon ang mga mga miyembro ng grupong ACT-Teachers.

Ito’y bilang protesta sa plano umanong profiling sa mga miyembro ng ACT sa pampubliko at pribadong paaralan.

Tuturuan anila ng ACT-Teachers ng leksyon ang PNP kaugnay sa karapatan ng mga education workers sa self-organization at freedom of expression.

Nagsagawa naman ng hiwalay na dayalago ang Manila Public School Teachers Association sa Department of Education Division Office-Manila kaugnay sa issue.

Magugunitang itinanggi na ng PNP ang ulat na sasailalim sa profiling ang mga miyembro ng ACT-Teachers sa buong bansa.

—-