General Santos City – Anaa sa kustodiya karon sa Koronadal City Police Station si Patrolman Roland Lopez,29-anyos human nadakpan sa Purok 3, Tipolok, Bagumbayan Sultan Kudarat.
Si Lopez ang gitudlong namusil patay kang Charmaine Rose Canlas, 22-anyos, graduating student sa Notre Dame of Marbel University.
Samtang ang angol ang mga kauban ni Canlas nga silang Joana Saptula ug Debie John Franco.
Nasundan ang suspek kagahapon alas-12 sa udto human nakadawat og impormasyon sa gisakyang silver toyota corolla sa bagitong pulis palayo sa Koronadal City human nalambigit sa pagpamusil.
Dihang nakumpirma nila ang sakyanang gisakyan ni Lopez didto na gisundan ug nasikop.
Ang pagpamusil ang nahitabo sa Oca boardinghouse Gatislao Street, Barangay Zone 3 Koronadal City kagahapon alas-2:50 sa kadlawon.
Nahitabo ang pagpamusil pipila ka oras human gi-haras sumala pa ni Lopez ang mga biktima human usab sa gikaingong away sa suspek og girlfriend nga si Saptula tungod sa selos.
Samtang dungan sa paglusad og hot pursuit operation human miikyas si Lopez, nagtanyag og ₱ 100,000 reward si BGen. Alexander Tagum, director sa PR012 alang sa ikadakop sa suspek nga nakadestino sa South Cotabato 1st Provincial Mobile Force.
(Source: PRO12 | South Cotabato 1st Provincial Mobile Force)