General Santos City – Padayon ang gihimong imbestigasyon sa Lagao Police Station sa natigayong shooting incident sa ilang area of responsibility. Natigayon ang insidente sa balay ni Alex Blancaflor sa Purok 1, Buayan ning syudad.
Ang mga biktima mao silang Airol Cristobal, 33 anyos nga may live in partner nga taga Prk 1, Brgy. Buayan, ning dakbayan. Samtang ang laing biktima mao si Omar Sahiron nga residente gihapon sa maong lugar.
Sa imbestigasyon nga samtang gapanihapon ang mga biktima sa balay ni Blancaflor usa ka lalake ang misulod sa compound og gipangita si Alexander Senogat Blancaflor og dayon nagpabuto.
Matud pa nga gilayon nga mihawa ang suspek sakay sa motorsiklo. Ang suspek ang nakasul-ob og puti nga sando, may height nga 5’4 hangtud sa 5’5″ ang gitas-on.
Ang biktima nga si Cristobal ang gidala sa ospital apan gideklara nga dead on arrival sa doktor.
Narekober sa crime scene ang usa ka basiyo sa bala og duha ka buok nga fired cartridge case nga gituohan nga caliber .45.
Kasamtangan hugot ang imbestigasyon aron masayran kung unsa ang motibo sa kremin og ang responsable sa kremin.
(Source: General Santos City Police Station 3)