Gimonitor sa City Agriculture Department (CAD) ang kahimtang sa mga humayan sa Barangay Sudlon 1 ug Sinsin, Cebu City tungod sa kakulang sa suplay sa tubig.
Namatikdan sa team nga nagsugod na og liki ang yuta sa humayan tungod sa dili igo nga tubig, nga mahimong makaapekto sa pagtubo ug produksiyon sa humay.
Matod sa mag-uuma nga si Visitacion Bellita, dili na igo ang kasamtangang tubig kay kinahanglan usab kini ipaambit sa ubang mga tanom nga gitikad sa lugar.
Nangita karon ang CAD og posibleng solusyon ug angay nga tabang aron matubag ang problema sa tubig ug masuportahan ang mga mag-uuma sa Sudlon 1 ug Sinsin.
I via Renante Socia Lada