Gihatagan og ₱10,000 nga cash assistance ang 106 ka panimalay sa Tuburan, Cebu nga naapektuhan sa Bagyong Tino niadtong 2025.
Ang Cebu Provincial Government, ubos sa pagpanguna ni Gov. Pamela Baricuatro, mihatag og kinatibuk-ang ₱1.06 milyon nga ayuda pinaagi sa Provincial Social Welfare and Development Office. Nakadawat usab ang matag benepisyaryo og 10 kilos nga bugas gikan sa national government.
Gipasalamatan ni Tuburan Mayor Christian Diamante ang Capitol sa tabang nga gihatag sa mga apektadong residente.
Gawas sa cash assistance, nakadawat usab ang pipila ka barangay sa Tuburan og ₱500,000 nga community assistance, samtang gihatagan usab ang lungsod og agricultural tractor ug mga gamit para sa environmental protection.
I via Renante Socia Lada