Nasikop sa kapulisan ang usa ka 45-anyos nga lalaki human girespondehan sa Argao Municipal Police Station ang report sa domestic violence sa Barangay Mabasa, Argao, Cebu pasado alas-11 kagabii, Agosto 27, 2026.
Sa pag-abot sa mga pulis, ilang nakita ang suspek nga nagkupot og armas. Gimanduan siya nga ibutang ang armas ug sa dihang gipangayoa ang lisensya o dokumento sa pagpanag-iya, wala kini siya makapakita.
Narekober gikan kaniya ang usa ka .45 caliber pistol, usa ka magazine ug unom ka buhing bala. Gidala ang suspek ug mga nakuhang ebidensya sa Argao MPS alang sa dugang imbestigasyon.
Atubangan sa kasong paglapas sa Republic Act No. 10591 o Comprehensive Firearms and Ammunition Regulation Act ang suspek. Gidayeg ni Cebu Police Provincial Office Director PCOL Abubakar Udang Mangelen Jr. ang paspas nga aksyon sa mga pulis.
I via Renante Socia Lada