General Santos City – Gikumpirma karon sa City Health Office GenSan nga adunay duha ka kaso sa Omicron Variant ang dakbayan subay sa gipadala nga resulta sa Philippine Genome Center.
Ang duha ka mga pasyente ang gilangkuban sa usa ka 26 anyos nga babaye nga na-admit sa pribadong hospital niadtong Enero 2 gumikan sa labor pains ug pagbuto sa iyahang panubigan apan na-discharge niadtong Enero 5.
Ang nasangpit nga 26 anyos nga adunay upat nga na-identified nga close contact kung asa adunay usa nga nagpositibo sa RT-PCR test.
Ang ikaduhang kaso usa ka 62 ayos nga lalaki kung asa kini nagpakunsulta sa usa ka pribadong hospital gumikan sa ubo ug gipa-ilalom sa home isolaton.
Ang nasangpit nga 62 anyos ang adunay pito nga close contact kung asa upat niini ang positibo sa rt-pcr test.
Sa karon, gi-tag na ang recovered ang mga nahisgutan samtang ang mga close conrtact nga nagpositibo ang anaa sa stable nga kondisyon.
Subay sa gihimong contact tracing ang duha nga naunang nagpositibo ang walay travel history rason nga posibleng kining makonsiderang local transmission.
Tungod niini, padayon ang apila sa lokal nga pangamhanan sa dakbayan nga pabiling tumanon ang minimum helath protocol sama sa pagsul-ob sa face mask, social distancing ug kung mamahimong magpondo sa balay.