General Santos City – Nisalmot ang mga personahe sa Philippine Coast Guard sa gipahigayon nga Brigada Eskwela karong bag-o sa Lagao 2nd Barrio Elementary School sa Barangay San Isidro ning dakbayan.
Matod ni Commodore Allan Corpuz, commander sa Coast Guard Southeastern Mindanao District, gitabangan sa mga personahe sa Coast Guard ang mga magtutudlo sa nasangpit nga tunghaan sa pag-ayo, pagpanglimpyo ug pagpintura sa mga classroom sa nasangpit nga tunghaan.
Dugang pa sa opisyal nga ang Davao Royal Eagles Club, diin siya nagsilbi nga regional governor sa maong socio-civic fraternal organization, mihatag usab og suporta, pinaagi sa paghatag sa mga gikinahanglang materyales para sa maong aktibidad.
Dugang pa ni Corpuz nga ang Coast Guard andam nga motabang sa mga magtutudlo ug estudyante aron matubag ang panginahanglanon sa sektor sa edukasyon nga apektado sa pandemya.
(Source: Coast Guard Southern Mindanao)