30 C
Manila
Friday, March 29, 2024

General Santos: Ilegal nga droga nga gituohang gilabay sulod sa South Cotabato provincial Jail, narecover

- Advertisement -

South Cotabato – Subli na usab gilabayan ug ginadiling droga sa wala mailhing suspek ang South Cotabato Rehabilitation and Detention Center alas 3:30 sa kadlawon niadtong adlaw’ng Sabado atol sa pagsaulog sa pasko.

Visit RPN DXDX General Santos

Sumala pa ni South Cotabato OIC Provincial Jail Warden Lore Celeste nga ayha pa nahitabo ang insidente nakadawat na matud pa sila ug impormasyon gikan sa mga peneriso nga dunay ilabay nga droga rason nga gipahugtan ang pagbantay sa maong pasilidad.

Tungod ngitngit ang palibot wala nila nadakpan ang suspek kung asa narekober ang walo ka jumbo pack nga gituohang shabu nga gibana-banaang mobalor sa kapin 272,000 pesos.

Dugang pa ni Celeste nga tungod sa kakulangon sa mga CCTV camera nga namontar sa maong pasilidad diin nakafocus lamang sa sulod hinungdan wala nailhan ang suspek ug malampusong nakasibat human gipabuthan sa mga gwardiya.

Gikumpirma pa niini nga laing grupo na usab ang milabay sa maong droga tungod kadtong unang grupo ang nadakpan na sa kapulisan.

Gipaklaro pa ni Celeste nga ikatulo na ka higayon nga gilabayan ug droga ang sulod sa rehabilitation center ilawom sa iyang administrasyon apan tanan nakumpiska sa mga otoridad.

Nagpahimangno na lamang ang opisyal sa mga peneriso sulod sa provincial jail nga undangon na nila ang ilang transaksiyon sa mga tawo sa gawas gumikan dili kini makahatag ug kaayuhan inay makahatag hinuon ug dugang problema sa ilang mga kaso.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -