Nagpatigayon og special session ang Sangguniang Panlungsod sa GenSan kaniadtong Enero 4,2022 tungod sa hangyo ni Mayor Ronnel Rivera ug sa resolusyong gipasa ni Committee on Appointment Chairperson Vandeeic Congson nga magtigom ang mga miyembro sa lehislatura alang sa pag-apoint kang Jenalyn Vidanes nga gituboy sa Mayor nga mamahimong bag-ong labaw sa City Social Welfare and Development Office oon CSWDO.
Atol sa itigayong sesyon silang Vice Mayor Ton Acharon, ug mga konsehal, Ojoc Acharon, Lita Nunez, Shandee Llido, Franklin Gacal ug Ric Atendido lamang ang anaa human sa ikatulong roll call.
Tungod sa kakulangon sa ihap sa mga miyembro nga anaa, wala naangkon ang quorum pasabot nga dili mamahimong magtigayon og sesyon alang sa appointment ni Vidanes.
Adunay lantugi nga natigayon tali sa mga konsehal human gikwestyon ni Gacal ang sinseridad sa iyang mga kaubanan sa konseho nga magtrabaho, usab ang presensya sa chairperson sa kumitiba nga wala sa gitigayong sesyon.
Sa tubag ni Nunez, on-leave matod pa si Congson apan siya ang vice chairperson hinungdan nga matigayon gihapon ang sesyon kung maabgkon ang quorum.
Sa kumpirmasyon ni Vice Mayor Acharon, nadawat niya ang sulat ni Mayor Rivera bahin sa appointment ni Vidanes sa CSWDO kaniadto pang December 21, 2021 ug base sa Section 453 sa Local Government Code, mahimong balido ang appointment sa usa ka appointee kung walay mamahimong aksyon ang sanggunian sulod sa 15 ka adlaw.
Nahpasabot ang nasampit nga probisyisyon nga mamahimong opisyal nga appointed department head sa CSWDO si Vidanes kana bisan pa wala siya ma-appoint sa Committee on Appointment sa Sangguniang Panlungsod.
Gikasabutan sa mga miyembro sa konseho nga magtigayon una og recess hantod 9:00 sa buntag sa Enero 5, 2022 nga mao ang ulahing adlaw sa 15 dias nga gitakda sa balaod.