General Santos City – Arestado ang duha ka regional priority target personalities atol sa magkasunod nga operasyon batok illegal mga droga ga gihimo sa PDEA Sarangani Provincial Office, Sarangani Police Provincial Office –PIU, PDEU Ug Malapatan Municipal Police Station.
Giila ni Kath Abad, tigpamaba sa PDEA 12 ang unang target sa operasyon nga si Mocles Alias Asik, hamtong ang pangidaron nga residente sa Brgy. Sapu Masla, Malapatan, Sarangani Province kung asa gihimo ang operasyon alas 10 pasado asng takna sa buntag sa Brgy. Sapu Padidu, Malapatan, Sarangani Province.
Nakuha gikan sa posisyon niini ang duha ka sachet sa gituuhang shabu ug usa ka libo ka pesos nga buybust money.
Dugang pamahayag ni Abad nga sunod nga gipahigayunan ug operasyon ang usa ka Norman Arcenias Dinopol Alias Manman, 40 anyos, habal-habal driver nga residente sa Purok 2b, Brgy. Sapu Padidu, Malapatan, Sarangani Province.
Nauna na matud pa kining nadakpan kaniadto gumikan gihapon sa illegal nga droga apan nakagawas milabay’ng 2020 human nag-avail ug plea bargaining apan subling mibalik sa illegal nga binuhatan.
Subay sa gihimong monitoring, ang operasyon sa duha ka mga dinakpan ana anaa sa Malapatan, Glan, Alabel ug dakbayan sa GenSan.
Kalabot niini, gibutyag ni Abad ang illegal nga droga nga ginabaligya sa mga suspek ang gikan sa gawas sa rehiyon 12.
Gibana-banaang anaa sa 3, 400 ang kinatubuk-ang kantiodad sa illegal nga droga nga nakuha gikan sa duha ka suspek Kasong pagsupak sa Sec. 5 sa R.A 9165 ang ipasang-at batok sa duha nga kasamtangang anaa sa kustudiya sa Malapatan Municipal Police Station.
(Source: PDEA 12)