General Santos City – Anaa na sa 979 ang mga barangay nga nadeklarang drug cleared subay sa datus sa PDEA 12 human ang gihimong deliberasyon niadtong Disyembre 2021.
Sumala kang Kath Abad, tigpamaba sa PDEA 12 nga gikan sa 1158 nga barangay sa rehiyon 12, 979 ang drug cleared, aduna pay 156 nga nagpabiling drug affected ug 23 ang unaffected kung asa 19 niini ang certified unaffected barangay.
Gikan matud pa sa 979, adunay kapin 300 ang na-retain nga drug cleared human ang gihimong revalidation samtang uban sa maong mga barangay ang wala pa nakapahigayon ug revalidation.
Dugang pamahayag ni Abad nga anaa nalang sa 13. 47% ang drug affected barangay sa tibuok rehiyon 12. Sa Sarangani Province matud pa, anaa sa 133 ang drug cleared barangay, upat ang apektado gikan sa 141 barangay. Sa Sultan Kudarat, gikan sa 249 nga barangay, 233 niini ang drug cleared, lima ang affected ug adunay onse nga unaffected barangay.
Sa South Cotabato, gikan sa 199 barangay, 160 niini ang nadeklara na nga drug cleared ug 31 ang drug affected. Sa North Cotabato, gikan sa 543 barangay, 443 niini ang drug cleared samtang anaa pa sa 100 ang drug affected.
Samtang sa General Santos City, gikan sa 26 ka barangay, pulo niini ang drug cleared ang 16 ka mga barangay ang nagpabiling drug affected.
Kalabot niini, gibutyaq ni Abad nga ang Sarangani Province adunay upat ka mga barangay nga unaffected sa illegal nga droga ug kining tanan ang na-certify na sa oversight committee.
Ang South Cotabato adunay walo nga unaffected barangay kung asa upat pa lang niini ang na-certify. Ang Sultan Kudarat, adunay onse nga unaffected barangay ug tanan ang na-certify na nga unaffected barangay.
Samtang ang GenSan ug ang North Cotabato ang walay natala nga barangay unaffected.
(Source: PDEA Region 12)