Cebu City – Gikonpirma sa Department of Health Central Visayas (DOH-7) nga dunay Overseas Filipino Worker (OFW) ug Returning Overseas Filipino (ROF) nga nag positibo sa Omicron Variant nga na isolated ug tested sud sa pipila ka adlaw sa Sugbo.
Ang point of entry sa nasud diha sa Mactan Cebu International Airport ug ang OFW nasuta nga negative sa duha ka higayon sa wala pa kini gipa pauli sa ilang panimalay sa Iloilo.
Nasuta nga tested positive sa Omicron variant ang maong patient didto sa Iloilo.
Kabahin sa ROF, naka kompleto kini sa 14-day quarantine sa Sugbo sa wala pa kini maka uli ngadto sa ila sa Zamboanga, ug ang maong pasyente nagpositibo sab sa Omicron variant.
Ang duha wala ma attributed nga mga kaso sa Central Visayas apan gipasabot ni Doctor Mary Jean Loreche, tigpamaba sa Visayas Vaccination Operations Center, nga ang maong variant naka abot sa Sugbo.
Gipahigayon nila karon ang intensive contact tracing ug pagpadala ug mga samples ngadto sa Philippine Genome Center pag detect sa presensya sa Omicron variant dinhi.
Gi-angkon niini nga naa ang risgo, hinoon mamahimong ubos lang kini tungod kay ang duha ka mga kaso pulos gipang quarantine ug gi isolate sa tanang higayon sa ilang pag istar sa Sugbo.
“Technically, there is no Omicron case in Central Visayas yet as both cases were attributed to their home province,” pasabot ni Loreche.
(News & photo courtesy of Department of Health-7)
