Ang pag ambush nahitabo sa Barangay Kalumamis sa lungsod sa Guindulungan sa probinsiya sa Maguindanao kaganinang buntag, pasado alas 7:00 sa buntag, Pebrero 12.
Gikumpirma ni Major Gen. Juvymax Uy, commander sa 6th Infantry Division sa Philippine Army ug Maguindanao Provincial Police Office nagkanayon nga siyam ka tawo ang namatay sa maong ambush og tulo ang anaa sa kritikal na kahimtang.
Sakay sa duha ka sakyanan ang mga biktima dihang gipamusil sila sa mga armadong tawo nga gibutang daplin sa dalan sa hilit nga dapit sa Barangay Kalumamis.
Usa sa mga napatay mao si Pagz Mamasainged, alyas “Commander Black Magic.”
Ang pamilya ni Mamasainged maoy mortal nga kaaway sa usa ka clan nga gipangulohan ni Jordan Mamalintang ug sa iyang anak nga si Morsid Mamalintang.
Nagtuo ang mga opisyal sa 6th ID ug intelligence units sa Maguindanao Provincial Police nga ang Mamalintang group maoy responsable sa pag-ambush nga miresulta sa kamatayon ni Mamasainged ug walo niini ka mga kauban.
(Source: Maguindanao Provincial Police)
