Pagadian City – Alang sa gugma ug pagpakitag importansya sa kinaiyahan, ang KBP kon Kapisanan ng mga Brodkaster ng Pilipinas, Zambonga del Sur chapter ang nagpahigayon ug Plant and Grow a Tree Activity didto sa Brgy. Manga Pagadian city, Pebrero 12 2022.
Kaabag ang hiniusang pwersa sa mga partner stakeholders niini, dunay giandam nga mga seedlings ang matag grupo nga maoy itanum sa napiling lokasyon. Ang ZSPPO nag gahin ug 50 ka mga seedlings, KBP dunay 35, PPCWD kon Pagadian city water district-20, ang 1st Fab ug 1st Cav Philippine Army dunay tag 20 ka seedlings, ang Air force TOG9-20, Ang PAC dunay 10, Brgy.Council 10, Dep-Ed -5 ug ang Engineering Battalion dunay 10.
Alas 5:00 palang sa sayong kabuntagon, andam na ang grupo alang sa makabuluhanong aktibidad nga pagahimuon. Ang reforestation halangdon ug importante kini alang sa kinaiyahan diin dako usab kini ug kontribusyon sa mga lumulupyo sa lugar. Kada 3 ka bulan, gikasabutan ang pagbisita sa site aron pag monitor sa mga tanum.
Sa kinatibuk-an, nahimong malampuson ug mahinungdanon ang maong aktibidad.
(Photos courtesy of RPN DXKP Pagadian News Team)
