Dead on arrival pag-abot sa hospital an 57 anyos na foreman sa Provincial Treasury Office human nadisgraya sa gimanehong motorsiklo didto sa Km. 6, Brgy. Bonifacio, Surigao City sa ala 1:30 sa kadlawon, Nobyembre 14, 2020.
Nakilay-an an biktima nga si Elonier Canton Baay, 57 anyos, menyo ug residente sa 04737 Capitol Rd., Brgy. Washington, Surigao City.
Sa imbestigasyon ni PSSgt. Roland Japzon Jr. nasayran nga gikan sa Bad-as, Placer an biktima sakay sa ija motor nga maroon Honda Click pauli sa ila bayay apan pag-abot sa lugar sa Km. 6 aksidente ini nidasmag sa steel barrier sa kilid sa highway.
Tungod sa kakusog sa impact nahuyog an biktima sa pangpang nga 5 metros pasingod sa ubos gikan sa taas nan dayan. Tagdaya pa sa Caraga Regional Hospital an biktima apan gideklara nga dead on arrival pinaagi sa attending physician.
(Mark James Lisondra, Ronda 21, RPN DXKS Surigao, photos courtesy of Emil Pantejo)
