ERS MIPAGAWAS UG ACCOMPLISHMENT REPORT GIKAN ENERO HANGTOD HUNYO NING TUIGA
Mipagawas ug accomplishment report ang buhatan sa Emergency Response Services (ERS) ning dakbayan gikan sa bulan sa Enero hangtod Hunyo ning tuiga, ubos sa pagdumala ni Mr. Charlie Espinosa.
Basi sa ilang Accomplishment Medical Runs Report aduna sila’y kinatibuk-ang naserbisyohan nga 2,880 ka mga indibidwal nga gilangkuban sa 230 ka medical runs nag-edad 0 hangtod 17 anyos nga narespondehan; 1,803 ka medical runs sa mga pasyente nga nag-edad 18 anyos pataas; 560 ka kaso sa pagpanganak; 169 ka aksidente sa sakyanan; 116 ang narespondehan sa CVA/Hypertension; 1 sa samad-pinusilan; ug 1 ka suicide incident.
Sa pagkakaron, aduna’y 6 ka mga ambulansya ang syudad nga magamit panahon sa pagresponde sa mga emerhensyang panginahanglan sa mga Surigaonon diin ang 1 ka ambulansya nakadestino sa City Disaster Risk Reduction and Management Office (CDRRMO) alang sa CoViD-19 Emergency Response, ug ang 1 ka ambulansya alang sa mga CoViD-19 suspects. (Jun Prex Salubre, Ronda 6 RPN DXKS)
