Giklaro sa kagamhanang lokal sa Dipolog sa pagdumala ni Mayor Darel Dexter T. Uy nga walay gidapigang kompanya ang dakbayan sa mga gigamit nga COVID-19 test kits dinha sa pag-swab sa mga pasyenteng COVID-19 suspects.
Kining klaripikasyon gipadayag sa kagamhanang lokal human migawas ang isyu nga dunay espisipikong brand nga gi-endorso ang Dipolog nga maoy gigamit karon sa testing laboratory sa City Health Office ning dakbyan.
Gipahibalo ni Mayor Darel Uy nga ang lokal nga kagamhanan sa Dipolog nagsubay sa Memorandum No. 2021-009 (Minimum Performance Requirements for COVID-19 Test Kits Used for SARS-CoV-2 Infection) nga gipagula sa Food and Drug Administration (FDA), pinirmahan ni Director General Rolando Enrique D. Domingo.
Base sa nasangpit nga memorandum, ang aprobadong mga brands alang sa PCR Based Test Kits mao ang mosunod; SARS-CoV-2 Fluorescent PCR Kit, Bio Respiratory Panel 2.1 (RP2.1), i-DENSY PACK REAGENT (i-DENSY PACK UNIVERSAL SARS-CoV-2 DETECTION SYSTEM), SARS-CoV-2 DETECTION PRIMER PROBE SET REAGENT (i-DENSY PACK UNIVERSAL SARS-CoV-2 DETECTION SYSTEM, SARS-COV-2 Nucleic Acid Detection Kit (PCR-Fluorescent Probe Method) ug Xpert Xpress SARS-CoV-2.
Samtang ang aprobadong Antigen Test Kits gilangkuban sa Panbio TM COVID-19 Ag Rapid Test Device (Germany), Panbio TM COVID-19 Ag Rapid Test Device (Korea), SOFIA SARS Antigen FIA, STANDARD TM Q COVID-19 Ag TEST KIT, NowCheck COVID-19 Antigen Test ug Novel Coronavirus (2019-nCoV) Antigen Detection Kit (Colloidal Gold Method)// Wondfo 2019-nCov Antigen Test (Lateral flow).
Alang usab sa Antibody Rapid Test Kits, aprobado ang VivaDiagTM COVID-19 IgM/IgG Rapid Test ug NADAL COVID-19 IgG/IgM Test.
Kining maong pagpa klaro ang gihimo sa kagamhanang lokal ning dakbayan aron sa pagwala sa mga haka-haka o pagduda nga mahimong paga-gamiton nga isyu batok sa kasamtangang liderato ni Mayor Darel Uy.
(Source: Dipolog City Government Facebook page)