Kapin 15 ka mga kompanya ang moapil sa ipahigayon nga DOLE Job Fair karong umaabot Septiyembre 14, 2026, sa Zamboanga del Norte Cultural and Sports Center sa Estaka, Dipolog City.
Naglakip sa job fair ang nagkalain-laing bakanteng trabaho alang sa lokal ug overseas employment, nga nagtanyag og dugang oportunidad sa mga nangitag trabaho.
Giawhag ang mga jobseeker nga magparehistro online ug magdala og daghang kopya sa updated resume o biodata, valid ID, ug mga sertipiko o kredensyal kon anaa.
Gidasig usab ang mga aplikante nga moadto nga andam ug hapsay aron mas maayong mapakita ang ilang mga kahanas ug kasinatian sa mga potensyal nga kompanya.(MEDALYN U. BORJA)
Source: DOLE IX- Zamboanga del Norte