Pormal nga giturn-over sa Kagamhanang Lokal ning dakbayan ngadto sa Cogon Farmer’s Association ang nagkalain-laing ekipo ug materyales pang-agrikultura lakip na ang tag-20kilo nga sako sa “white corn seeds” atol sa gipahigayon nga Ugnayan at Serbisyong Bayan: Caravan sa Barangay niadtong Enero 28, ning tuiga didto sa Brgy. Cogon, ning dakbayan. Ang maong kalihokan gipangunahan sa buhatan sa City Agriculture ubos sa pagdumala ni City Agriculturist, Engr. Kerr N. Porlas.
Mitambong sa maong turn-over si City Mayor Darel Dexter T. Uy, kinsa mismo mi-turn-over sa mga ekipo ngadto kang Mr. Guillermo Morandarte, ang presidente sa nasangpit asosasyon. Anaa usab ang presenya nila ni City Agriculturist, Engr. Kerr N. Porlas ugs Agricultural Technologist, Mr. Riel Caermare, kinsa midumala sa maong turn-over.
Sigun sa pakig-hinabi ngadto kang Engr. Porlas, misuma total sa P140,000.00 ka pesos ang nabobo alang sa mga materyales, ekipo ug “seedlings” nga paggamiton sa “irrigation” kon patubig sa ilang umahan. Nasayran nga ang maong mga materyales ug ekipo ang gihangyo mismo sa maong grupo ug nga ang pondo nga gobobo niini nagagikan sa Gender and Development (GAD) sa nasangpit nga buhatan.
Ang mga materyales ug ekipo nga gi-turn over naglangkob sa usa ka “rice mudboat”, usa ka tag-300 metros nga PVC pipe ug duha ka asul nga drum.
(Source: Dipolog City Government Facebook page)
