Bisan nag sagul ang ilang ka guol ug ka kulba, mo abot sa tres mil ka mag-uumang Dipolognon sa Dicayas ug Lugdungan, ang nakigbisog karon aron ang yuta nga dugay na nilang gi ugmad dili ma ilog sa nagdumala sa kagamhanan lokal sa Dipolog.
Matud ni Mike Sanico, ang presidenti sa Linabo Peak, Lugdungan Farmers association, Inc. nga gustong kuhaon sa Dipolog mao ang 929 ka ektarya nga yuta nga nahasulog sa duha ka titulo nga gipanag-iyahan sa Commonwealth of the Philippines.
Kahibaloan nga ang Commonwealth of the Philippines mao ang transition administration nga gitukod sa mga Americano niadtong tuig 1935 hangtud na sa 1956, isip pag pangandam sa pag hatag niini og kagawasan sa Pilipinas. Hinuon wala gibutang sa duha ka titulo kun timberland ba o agricultural ang classification sa maong luna.
Matud pa ni Sanico, nga ang maong yuta gi ugmad na sa ilang katigulangan sukad pa niadtong panahon nga wala pa ginatukod ang Commonwealth. Apan miingon si Sanico nga sa bulan sa Abril sa milabay’ng tuig, mipatawag si Community Environment and Natural Officer Christopher Babaran og meeting sa mga mag-uuma ug miingon nga ang maong yuta,  gipanag-iyahan sa gobierno ug aduna silay plano niini.