Determinado si Gobernador Bambi Emano kinsa giilang “a man of his words” nga sa nahibiling bulan sa iyang pagpangatungdanan matibawas ang tanang proyekto ug mga programa nga iyang nasugdan. Pasalig kini ni Gobernador Bambi atol sa iyang “Taho sa Katawhan” kon State of the Province Address (SOPA) niadtong Enero 10, 2022 nga nahitabo sa hawanan sa Kapitolyo Probinsyal.
Molangkob sa mga imprastraktura, laaganan, ug sports facility ang gipokusan ug gipaspasan nga humanon sulod sa nahabiling sobra gatosan nalang ka mga adlaw sa pangatungdanan ni Gobernador Bambi.
Lakip sa mga dagkong proyekto nga gipasalig niini nga mahuman sa iyang termino mao ang Bagsakan Center nga anaa makita sa Brgy. Mat-i, Claveria, Planetarium sa El Salvador City, Olympic-sized nga swimming pool ug track-and-field oval sa mga lungsod sa Naawan ug Balingasag, ug ang bag-ong MOPJ and rehabilitation facility alang sa mga piniriso.
Wala sad kalimti sa amahan sa lalawigan ang katukoran sa bag-ong PHO building sa umalabot. “In the next 171 days, we will finish the Bagsakan in Mat-i Claveria. Hopefully in the 171 days, the only Planetarium in Mindanao will be done by DOST. PHO is burnt to the ground, in 171 days we will have a new PHO building.
We will have in the next 171 days a rubberized Olympic-sized track oval in the municipality of Balingasag. And in 171 days we will have the first-ever national competition in our Olympic-sized swimming pool in the municipality of Naawan. And in 171 days, we will transfer all our prisoners to the modern brand-new Provincial Jail in the municipality of Initao,” sulti ni Gobernador Bambi.
Makabubuhong nga palakpak ang naangkon ni Gobernador Bambi gikan sa mga sumasaksi sa SOPA gumikan ang mga dinapit nga bisita sayod man sa kapasidad sa Gobernador nga walay saad nga gapakyason niini.
Bisan mga viewers pinaagi sa Facebook Live mibaha ang mga komento pasalamat ngadto ni Gobernador Bambi tungod sa nasinati nilang kalamboan sulod sa mga katuigan ubos sa administrasyon niini. Luyo sa daghanang mga pagsulay nga giagian sa pamunuan ni Gobernador Bambi, tataw ang daghang kalamposan ug dili ikalalis nga mga transpormasyon ubos sa mga haligi nga nagtuko sa iyang panggobyerno.
Ubos sa pamunoang Emano, ang natad sa Kinaiyahan, Imprastraktura, Edukasyon, Agrikultura, Panglawas, Transportasyon, Kooperatiba, ug ang Kahusay ug Kalinaw ang laraw nga mousbaw, mapalapad ug mas mapalambo aron ang natad sa turismo sa lalawigan sa Misamis Oriental padayong mapaila dili lang lokal apan international.
(Source: SOPA | Misamis Oriental Provincial Information Office Facebook page)
